Mae Sot
Dagurinn í dag fór í að aka til Mae Sot þar sem Freyja hefur verið við störf. Það tók hálfan dag og á leiðinni sprakk á bílnum svo pabbi fékk tækifæri til að skreppa út í skóginn og mynda og skoða skordýrin sem er að finna hér í miklu magni og fjölbreytileika. Hér býr fjöldinn allur af fólki frá Burma sérstaklega ung fólk sem hefur ekkert vegabréf og er í rauninni fast hér vegna þess. En á leiðinni hingað var greinlega passað upp alla vegfarendur því við fórum í gegnum 3 hlið þar sem kíkt var inn í bílinn og athugað hvort við værum frá Burma en við litum ekkert sérstakleg þannig út :-) Til og frá Mae Sot er aðeins einn vegur og það er eins og að koma tugi ára aftur í tímann að koma hér. Við byrjuðum á að leigja okkur hjól til að komast um en það eru engir leigubílar hér t.d. Ég veit ekki hvernig við eigum að komast út á flugvöll þegar við förum á mánudag? En það kemur bara í ljós þegar þar að kemur. Við heyrumst á morgun og þá get ég vonandi sagt frá einhverjum ævintýrum sem verða mjög sennilega það sem eftir lifir kvöldsins.
1 Comments:
Gaman að fylgjast með ferðum ykkar
og gangi ykkur sem allra best,
kærar kveðjur til Odds og Freyju
og þakkir til Freyju fyrir kortin.
Kveðja Jens.
Skrifa ummæli
<< Home